Tíu meðlimir Fáfnis handteknir vegna líkamsárásar

Tíu meðlimir vélhjólaklúbbsins Fáfnis voru handteknir í nótt eftir að þeir höfðu gengið í skrokk á einum félagsmanni í félagsheimili klúbbsins við Hverfisgötu í Reykjavík í nótt. Eftir að þeir höfðu veitt honum marga áverka tókst honum að hringja í lögreglu, sem fjölmennti á vettvang.

Tveir félagsmenn sýndu mótþróa, en ekki kom þó til alvarlegra átaka. Hinn meiddi var fluttur á slysadeild Landsspíttalans til aðhlynningar en átökin munu hafa sprottið af því að hann vildi ganga úr klúbbnum.