Jóhanna gagnrýndi lækkun lánshlutfalls í fyrra

Jóhanna Sigurðardóttir félagsmálaráðherra, sem ákvað í gær að lækka lánshlutfall Íbúðalánasjóðs og hámarkslán líka, gagnrýndi samskonar aðgerð þáverandi ríkisstjórnar harðlega á heimasíðu sinni í fyrra. Þetta kemur fram á heimasíðu Kristins H. Gunnrssonar alþingismanns.

Hann rifjar upp að Jóhanna sagði að það væri með ólíkindum að ríkisstjórnin teldi þessar aðgerðir mikilvægar til að slá á verðbólgu. Hún sagði jafnframt að bankarnir væru þeir einu sem græddu á þessu.

Í viðtali við RÚV í gærkvöldi beitti Jóhanna hinsvegar svipuðum rökum og fyrrverandi ríkisstjórn, þegar hún réttlætti skerðingu á útlánum Íbúðalánasjóðs.