Sökkva Hagavatni

Gríðarlegt moldrok var á Suðurlandinu um helgina og Sigurður H. Magnússon gróðurvistfræðingur sem er uppalinn í Hrunamannahreppi segist varla hafa séð annað eins í áratugi.

Síðustu dagar, segir Björn, hafa minnt okkur á hvað jarðvegurinn er fínn og ekki þurfi mikið til að hann fjúki langar vegalengdir. Björn segir ekki einfalt að koma í veg fyrir svona moldrok.

En það er til mikils að vinna, að mati Björns, jarðvegur og gróður sé jafnvel okkar verðmætasta auðlind, og undirstaða fæðuframleiðslu, og hana sé brýnt að vernda.

Víða blés úr opnum sárum á laugardaginn, meðal annars suðvestur af Sandvatni, við Sandklyftavatn og af leirunum við Hagavatn. Hugmyndir hafa verið uppi um að stífla Hagavatn, hækka vatnsborðið og sökkva leirunum svo þær blási ekki upp við svona aðstæður.