Erlent

Górilla slapp úr búri sínu

Óli Tynes skrifar
Bokito svipast um eftir einhverju ætilegu.
Bokito svipast um eftir einhverju ætilegu. MYND/AP

Skelfing greip um sig í dýragarði í Rotterdam í gær þegar górilluapinn Bokito slapp út úr búri sínu. Fólk flúði í allar áttir og varð af talsverður troðningur. Bokito sem er sagður alla jafna skapgóður og blíður kunni þessum látum illa og slæmdi höndunum í fjóra gesti, sem hlutu af einhver meiðsli.

Ein kona var flutt á sjúkrahús. Bokito fór inn á eitt veitingahús dýragarðsins og sat þar að snæðingi þegar starfsmenn garðsins skutu í hann pílu með svefnlyfi. Hann var svo fluttur til síns heima.

Erlent

Mest lesið


Fleiri fréttir

Sjá meira


×

Mest lesið