Pétur sækist eftir öðru til þriðja sæti

Pétur H. Blöndal þingmaður ætlar að gefa kost á sér í 2. til 3. sæti í prófkjöri Sjálfstæðisflokksins í Reykjavíkurkjördæmunum tveimur fyrir komandi þingkosningar. Pétur hefur setið á þingi frá árinu 1995 fyrir Sjálfstæðisflokkinn og er meðal annar formaður efnahags- og viðskiptanefndar Alþingis. Með framboði Péturs fjölgar þeim enn sem berjast um forystusætin fyrir sjálfstæðismenn í Reykjavík því Björn Bjarnason og Guðlaugur Þór Þórðarson sækjast báðir eftir öðru sætinu og þá sækjast Ásta Möller og Illugi Gunnarsson eftir þriðja sætinu. Prófkjörið verður haldið 27. og 28. október.