Ekki á vegum heyrnalausra

Félagi heyrnalausra hafa borist ábendingar um sölumann á Akureyri sem gefur sig út fyrir að vera að safna á vegum félagsins. Norræn menningarhátíð heyrnalausra fer fram á Norðurlandi nú í vikunni.

Þegar við erum með sölu í gangi þá er það alltaf í tengslum við dag heyrnarlausra og þá seljum við yfirleitt eitthvað sem snertir táknmálið. Þá höfum við einnig selt happdrættismiða, segir Kristinn Jón Bjarnason, framkvæmdastjóri Félags heyrnarlausra. Hann segir að þarna sé hins vegar á ferðinni maður sem sé að misnota góðvilja fólks.

Þetta er ekki í fyrsta skipti sem svona kemur upp en talið er að sami maður hafi leikið þennan leik víðar um land.