Íbúðalánasjóði heimilt að taka upp uppgreiðslugjald og bjóða lægri vexti

Íbúðalánasjóði er heimilt að taka uppgreiðslugjald og bjóða lægri vexti en hann hefur getað gert fram að þessu. Árni Magnússon, félagsmálaráðherra, hefur fallist á tillögu þessa efnis eftir úrskurð Samkeppnisstofnunar í byrjun október.

Samkeppnisstofnun úrskurðaði þá að lánastofnum væri áfram heimilt að innheimta uppgreiðslugjald þegar lán eru greidd upp. Af þessu leiðir að Íbúðalánasjóður getur boðið upp á tvo lánaflokka. Þann sem íbúðalánsjóður býður núna og annan lánaflokk sem er meira í samræmi við það sem gerist og gengur hjá í bönkunum. Ef lántaki kýs að afsala sér rétti til að greiða veðbréf upp fyrir lok lánstíma verður Íbúðalánasjóði heimilt að bjóða lægra álag. Breytingarnar taka gildi á morgun.