Fram efst í DHL deild karla

Fram er eitt í efsta sæti DHL deild karla í handbolta eftir leiki kvöldsins og hefur unnið alla þrjá leiki sína. Liðið lagði Aftureldingu 26-21 í Safamýrinni í kvöld. Íslandsmeistarar Hauka lögðu Val á útivelli 32-29 og nýliðar Fylkis skelltu FHingum 27-22, en hafnfirska liðið hefur nú tapað öllum þremur leikjum sínum á mótinu. KA og HK gerðu 29-29 jafntefli á Akureyri, Selfoss sigraði Þór 29-26, ÍBV lagði Víking/Fjölni 33-31 og að lokum gerðu ÍRingar góða ferð í Garðabæinn og unnu öruggan sigur á Stjörnunni 38-30.