Kemst ekki í íbúðina sína

"Ég er eiginlega stressaðri núna heldur en fyrir tveimur vikum því þá vissi ég ekkert hvað var að gerast. Nú fór ég hins vegar strax að hugsa um um 7. júlí," segir Ragnhildur Bjarnadóttir, íbúi í Lundúnum. Fjögur sprengjutilræði voru framin í borginni í gær, tveimur vikum eftir hryðjuverkin mannskæðu. Að þessu sinni var þó manntjón óverulegt. Húsinu sem Ragnhildur á heima í hefur verið lokað um óákveðinn tíma því það er beint fyrir ofan neðanjarðarlestarstöðina við Warren Street þar sem ein sprengjan sprakk. Hún segir tilræðin koma á þeim tíma þegar fólk er loks að jafna sig eftir árásirnar 7. júlí, nú eru flestir komnir aftur á byrjunarreit.