Afstaða tekin til lífs og dauða

Fljótlega munu sérstök eyðublöð líta dagsins ljós sem gerir fólki kleift að taka ákvörðun um hvort lengja megi líf þess til dæmis með endurlífgun og öndunarvél, auk vilja fólks til líffæragjafar. Lífsskráin er gagnagrunnur sem mun halda utan um þessar upplýsingar og mun koma til með að auðvelda ættingjum erfiðara ákvarðanatökur. Mögulegt er að breyta skráningu sinni hvenær sem er, auk þess sem engin skylda er að skrá sig í Lífsskrána. Við skráningu gefst fólki kostur á að skrá sig sem líffæragjafa þó ekki krafist þess að fólk taki afstöðu í þeim málum við skráningu. Hingað til hefur farið lítið fyrir umræðunni um líffæragjöf en á hverju ári þarfnast um það bil tíu sjúklingar hér landi ígræðslu. Forsenda ígræðslu er að líffæri fáist frá nýlántum, þótt ekki sé unnt að nýta líffæri nema í litlum hluta dauðsfalla en hver líffæragjafi getur bjargað allt að sex mannslífum. Auk þess að geta skráð vilja sinn í Lífsskrána getur fólk nálgast sérstök líffæragjafakort í öllum helstu lyfjaverslunum, sem einfalt er að fylla út og koma fyrir í seðlaveski. Líffæragjöfum er þó bent á að ræða ákvörðunina við sína nánustu og gera þeim kunnugt um afstöðu sína.