Góður hagnaður hjá Eimskipi

Hagnaður Eimskips nam samtals 991 milljón króna í fyrr og jókst um 85 prósent miðað við árið á undan. Í fréttatilkynningu segir að góð afkoma endurspegli breytingar á skipulagi og rekstri Eimskips sem hafa að markmiði að bæta arðsemi félagsins, auka verðmæti þess og efla þjónustu við viðskiptavini. Eignir félagsins nema tæplega 21 milljarði og jukust um 7,3 milljarða króna frá fyrra ári, þar af jukust eignir um 5,7 milljarða vegna kaupa á fyrirtækjum. Þá segir í tilkynningunni að horfur í rekstri á yfirstandandi ári séu góðar þrátt fyrir erfið ytri skilyrði, s.s. hátt olíuverð, óhagstætt gengi og stóraukna samkeppni á flutningamarkaði.