Gildi lífsins rædd í afslöppuðu an

"Námskeiðin eru fyrir almenning og fjalla um ýmis grundvallaratriði í kristindómnum. Þar er áhersla lögð á afslappað og þægilegt andrúmsloft og eðlilegt málfar en guðfræðileg hugtök eru lögð til hliðar," segir Ragnar Snær Karlsson hjá KFUM og K þegar hann er spurður um hvað Alfanámskeið snúist en eitt slíkt hefst 17. janúar kl. 19 í húsakynnum KFUM og K við Holtaveg. Ragnar segir hvert kvöld byggjast upp á fyrirlestri en ávallt sé samt byrjað á að borða saman og spjalla. "Máltíðin hefur samfélagslegt gildi. Fólk kynnist þar og talar saman um daginn og veginn. Svo er fyrirlestur í 40 mínútur og síðan kemur fólk saman í hópum til frjálsra umræðna. Þar er enginn knúinn til að tjá sig en menn mega varpa fram spurningum og hugmyndum hvort sem er út frá fyrirlestrinum, kristindómnum eða almennum siðferðilegum hugsunum. Ragnar segir námskeiðin mjög ódýr og telur þau nýtast öllum hvort sem þeir hafi mikla eða litla þekkingu á viðfangsefninu fyrir. Þau standa í 10 kvöld og eru einu sinni í viku. Eftir 5. til 6. skipti er farið í Vindáshlíð eina helgi og þar er talað um ýmislegt sem er ofar hversdagslegum hlutum.