Ástarávísanir í pakkann

Ástarávísanir, útfylltar og óútfylltar, fyrir bæði kynin er sniðug jólagjöf sem fæst í Pennanum Eymundson og víðar. Þar er að finna ávísun upp á rómantísk kvöld, skemmtilega ferð og uppáhaldsmat svo eitthvað sé nefnt. Þessi bók með ávísunum heitir Ást í verki og er gefin út í samvinnu við Banka ástarinnar. Hún hefur að geyma 24 ástarávísanir sem ástvinur getur leyst út hvar og hvenær sem hann vill. Myndskreytingar í bókinni eru eftir Kim Casali sem skrifaði forðum ástarkveðju til elskunnar sinnar í formi mynda og texta sem síðar urðu heimsfræg. Það eru að sjálfsögðu það sem kallast á íslensku Ást er-myndirnar. Bókin kostar 950 krónur og er framleiðandi hennar Punkturinn yfir i-ið.