15 metra hermaður

Það eru fleiri en Íslendingar sem fara stundum yfir um í jólaskreytingunum. 15 metra hár hermaður búinn til úr jólaseríum er risinn í Kaliforníu. Sjálfboðaliðar komu skreytingunni upp til heiðurs bandarískum hermönnum í Írak. Mörg hundruð metrar af jólaseríum fóru í verkið, og hver einasta pera var límd sérstaklega með límbandi. Sjálfboðaliðarnir segja þessa hermannaskreytingu eitt dásamlegasta verk sem þeir hafi unnið, og aðstandendur hermanna á staðnum voru gráti næst af þakklæti.