Jóhann var símastrákurinn

Samtök vöru og þjónustu hafa upplýst að það hafi verið Jóhann Ársælsson sem hafi svarað spurningum samtakanna um breytingar á virðisuskattskerfinu í mars 2003 fyrir hönd Samfylkingarinnar. Jóhann sagði þá Samfylkunga ekki viljað breyta virðisaukaskattskerfinu og þar með matarskattinum. Össur Skarphéðinsson, formaður Samfylkingarinnar vísaði því hins vegar á bug í Íslandi í dag, á dögunum að flokkurinn hafi ekki viljað lækka matarskattinn 2003. Þegar formanninum var bent á að flokkurinn hefði svarað Samtökum vöru og þjónustu í mars 2003 á þá leið að hann vildi ekki breyta virðisaukaskattinum svaraði Össur: "Ég held að það hafi verið einhver símastrákur hjá Samfylkingunni sem var spurður að þessu með virðisaukaskattinn." Jóhann Ársælsson sem þá var varaformaður þingflokks segir að svar sitt hafi verið í samræmi við þáverandi stefnu Samfylkingarinnar. Össur Skarphéðinsson segir að skatta stefna flokksins hafi ekki verið "geirnegld" fyrr en á vorþingi flokksins í apríl 2003. Hann segir að hann hafi notað orðið símastrákur grínaktuglega en þannig hefði verið svarað þegar hann innti þingflokkinn eftir því hver hefði svarað spurningum samtakanna.