Skilningur á fjármálaumhverfi

Sparisjóðurinn hefur á síðustu vikum staðið fyrir fjármálanámskeiðum. Vegna góðrar aðsóknar hefur verið ákveðið að bæta tveimur námskeiðum við. Fyrra námskeiðið verður á morgun fimmtudaginn 4. nóvember og það seinna verður næstkomandi mánudag 8. nóvember. Bæði námskeiðin verða haldin á Rauðarárstíg 27 og hefjast kl. 19.30. Á námskeiðinu er þátttakendum kennt að skipuleggja fjármál sín til hagræðingar og öðlast dýpri skilning á fjármálaumhverfinu. Farið er í atriði eins og áhrif breyttra vaxta íbúðalána á fjárhagsstöðu einstaklinga og sparnað sem felst í að koma lagi á fjárhag heimilisins. Hægt er að skrá sig á næsta afgreiðslustað Sparisjóðsins eða á www.spar.is. Námskeiðin standa yfir í tvo tíma og fá þátttakendur gögn sem auðvelda þeim að fylgjast með fjárhag sínum.