99 kjörmönnum frá endurkjöri

George W. Bush hefur tryggt sér sigur í Louisiana og Mississippi samkvæmt þeim atkvæðum sem hafa þegar verið talin. Hann er því kominn með 171 kjörmann og þarf aðeins 99 til viðbótar til að tryggja sér endurkjör. Sigur hans í ríkjunum tveimur er í samræmi við skoðanakannanir sem birtust fyrir kosningar. Enn sem komið er hafa engin óvænt úrslit litið dagsins ljós. Tvær ólíkar spár eru uppi um úrslitin í Ohio að sögn CNBC sjónvarpsstöðvarinnar. Önnur sýnir nokkurt forskot Bandaríkjaforseta en hin að John Kerry hafi fengið fleiri atkvæði en Bush.