Kerry með forskot

John Kerry virðist hafa mjakað sér fram úr George Bush miðað við niðurstöður nýjustu könnunar Reuters og Zogbi sem birt var fyrir stundu. Samkvæmt henni hefur Kerry einnar prósentu forskot sem er þó innan skekkjumarka. John Zogbi, yfirmaður Zogbi-könnunarfyrirtækisins, segir niðurstöðurnar minna óþægilega mikið á stöðuna fyrir kosningarnar árið 2000. Áberandi er hversu mikið betur körlum líkar við Bush en konum fellur betur við Kerry. Samkvæmt sömu könnun hefur Ralph Nader tæplega einnar prósentu fylgi á landsvísu.