Hugsanlega sæst á skilyrði um 1/3 30. júní 2004 00:01 Enn á ný standa stjórnarflokkarnir frammi fyrir því að þurfa að ná lendingu í stórmáli sem flokkarnir eru í aðalatriðum ósammála um. Nú eru það lög um þjóðaratkvæðagreiðslu. Líklegt þykir að flokkarnir sættist á skilyrði um þriðjung. Sjálfstæðismenn sögðust hlynntir því að setja mörkin við "það minnsta 44%" ef vitnað er í ummæli Björns Bjarnasonar dómsmálaráðherra við Fréttablaðið. Geir H. Haarde fjármálaráðherra og Einar K. Guðfinnsson, þingflokksformaður Sjálfstæðisflokksins, sögðust í fjölmiðlum ekki sjá neitt athugavert við efri mörkin, þau mættu jafnvel vera enn hærri og nefndu 50% í því samhengi. Framsóknarmenn voru hins vegar á öðru máli. Viðmælendur Fréttablaðsins innan þingflokksins voru ýmist á því að setja ætti engin takmörk eða að takmörkin ættu að vera eins lág og mögulegt væri, sem allra næst neðri mörkunum. Sögðust þeir sannfærðir um að Framsóknarflokkurinn myndi aldrei sættast á efri mörkin þrátt fyrir það sem sjálfstæðismenn hefðu lýst yfir opinberlega. Formennirnir í útlöndumFormenn flokkanna, Davíð Oddsson og Halldór Ásgrímsson, hafa báðir verið staddir erlendis undanfarna daga. Því hafa þingflokkarnir ekki enn hist og rætt málið, en að sögn Hjálmars Ragnarssonar, þingflokksformanns Framsóknarflokksins, mun þingflokkur framsóknarmanna hittast í dag eða á morgun og ræða skýrsluna. Einar K. Guðfinnsson, þingflokksformaður Sjálfstæðisflokksins, sagði við Fréttablaðið að ekki væri útilokað að þingflokkurinn hittist nú fyrir helgi. Davíð Oddsson hefur ekkert tjáð sig opinberlega um málið en Halldór Ásgrímsson sagði við Fréttablaðið, daginn sem skýrslan kom út, að framsóknarmenn hefðu ekki tekið ákvörðun um hvaða mörk ætti að setja. Þingmenn Framsóknarflokksins sem Fréttablaðið ræddi við sögðu að það kæmi sér ekki á óvart ef sammælst væri um að skilyrði yrði sett í lög um þjóðaratkvæðagreiðslu sem segði að þriðjungur kosningabærra manna þurfi að greiða atkvæði gegn lögum eigi þau að falla úr gildi. Framsókn bíður formannsinsAðeins einn þingmaður Framsóknarflokksins hefur tjáð sig opinberlega um skýrslu starfshópsins að undanskildum formanninum. Var það Kristinn H. Gunnarsson, eini stjórnarliðinn sem greiddi atkvæði gegn fjölmiðlafrumvarpinu. Sagðist Kristinn eindregið á móti því að sett yrðu nokkur mörk. Fréttablaðið hafði samband við flesta ráðherra flokksins og þónokkra þingmenn eftir að skýrslan kom út. Vildi enginn þeirra segja neitt opinberlega um málið og var skýringin sú að formaðurinn væri ekki á landinu, flokkurinn hefði ekki rætt um þetta sín á milli og því gætu þeir ekkert sagt. Heimkomu formannsins er því beðið og mun afstaða framsóknarmanna ekki koma endanlega í ljós fyrr en hann hefur lagt flokksmönnum línurnar í málinu. Stjórnarandstaðan á móti skilyrðumÞingmenn stjórnarandstöðuflokkanna hafa lýst því yfir að þeir séu alfarið á móti nokkrum skilyrðum um þátttöku eða atkvæðavægi í þjóðaratkvæðagreiðslu. Því er ljóst að hart verður tekist á á Alþingi þegar það kemur saman á mánudaginn og rætt verður um frumvarp um þjóðaratkvæðagreiðslu sem nú er verið að semja í forsætisráðuneytinu. Forsætisráðherra gaf forsmekkinn af því sem í vændum er á svokölluðum samráðsfundi formanna þingflokkanna 8. júní þegar hann rak formenn stjórnarandstöðuflokkanna á dyr eftir fimmtán mínútna fund. Gerði hann það fyrirvaralaust eftir að formennirnir lýstu yfir einróma andstöðu við að setja nokkur takmörk um þátttöku eða atkvæðavægi í lög um þjóðaratkvæðagreiðslu. Davíð lýsti því yfir eftir fundinn að formennirnir hefðu hótað málþófi á Alþingi þegar ræða ætti lögin. Það mun koma í ljós í næstu viku hversu mikil og löng andstaðan verður. Enn á ný standa stjórnarflokkarnir frammi fyrir því að þurfa að ná lendingu í stórmáli sem flokkarnir eru í aðalatriðum ósammála um. Nú eru það lög um þjóðaratkvæðagreiðslu. Um leið og skýrsla starfshóps ríkisstjórnarinnar um þjóðaratkvæðagreiðslu var birt á þriðjudag tjáðu þingmenn stjórnarflokkanna sig um hugmyndir starfshópsins um að setja í lög skilyrði um að 25-44% atkvæðisbærra manna þyrftu að greiða atkvæði gegn lögum svo þau falli úr gildi. Fréttir Innlent Stj.mál Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Ráðist að fólki við Breiðholtsskóla um hábjartan dag Innlent Vilja láta rannsaka aðild flóttateymis í máli Oscars Innlent Rafmagnsleysið „fordæmalaust“ en engar vísbendingar um tölvuárás Erlent Benedikt telur undanbrögð útvarpsstjóra grátleg Innlent Allt á áætlun en Spánarfarar beðnir um að fylgjast með Innlent Engin hópnauðgun um páskana á borði lögreglu Innlent Hvetur Kanadamenn að kjósa sig Erlent Fólk eigi ekki að breyta sínu daglega lífi vegna frásagna af hópnauðgun Innlent Fleiri fréttir Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Sjá meira
Enn á ný standa stjórnarflokkarnir frammi fyrir því að þurfa að ná lendingu í stórmáli sem flokkarnir eru í aðalatriðum ósammála um. Nú eru það lög um þjóðaratkvæðagreiðslu. Líklegt þykir að flokkarnir sættist á skilyrði um þriðjung. Sjálfstæðismenn sögðust hlynntir því að setja mörkin við "það minnsta 44%" ef vitnað er í ummæli Björns Bjarnasonar dómsmálaráðherra við Fréttablaðið. Geir H. Haarde fjármálaráðherra og Einar K. Guðfinnsson, þingflokksformaður Sjálfstæðisflokksins, sögðust í fjölmiðlum ekki sjá neitt athugavert við efri mörkin, þau mættu jafnvel vera enn hærri og nefndu 50% í því samhengi. Framsóknarmenn voru hins vegar á öðru máli. Viðmælendur Fréttablaðsins innan þingflokksins voru ýmist á því að setja ætti engin takmörk eða að takmörkin ættu að vera eins lág og mögulegt væri, sem allra næst neðri mörkunum. Sögðust þeir sannfærðir um að Framsóknarflokkurinn myndi aldrei sættast á efri mörkin þrátt fyrir það sem sjálfstæðismenn hefðu lýst yfir opinberlega. Formennirnir í útlöndumFormenn flokkanna, Davíð Oddsson og Halldór Ásgrímsson, hafa báðir verið staddir erlendis undanfarna daga. Því hafa þingflokkarnir ekki enn hist og rætt málið, en að sögn Hjálmars Ragnarssonar, þingflokksformanns Framsóknarflokksins, mun þingflokkur framsóknarmanna hittast í dag eða á morgun og ræða skýrsluna. Einar K. Guðfinnsson, þingflokksformaður Sjálfstæðisflokksins, sagði við Fréttablaðið að ekki væri útilokað að þingflokkurinn hittist nú fyrir helgi. Davíð Oddsson hefur ekkert tjáð sig opinberlega um málið en Halldór Ásgrímsson sagði við Fréttablaðið, daginn sem skýrslan kom út, að framsóknarmenn hefðu ekki tekið ákvörðun um hvaða mörk ætti að setja. Þingmenn Framsóknarflokksins sem Fréttablaðið ræddi við sögðu að það kæmi sér ekki á óvart ef sammælst væri um að skilyrði yrði sett í lög um þjóðaratkvæðagreiðslu sem segði að þriðjungur kosningabærra manna þurfi að greiða atkvæði gegn lögum eigi þau að falla úr gildi. Framsókn bíður formannsinsAðeins einn þingmaður Framsóknarflokksins hefur tjáð sig opinberlega um skýrslu starfshópsins að undanskildum formanninum. Var það Kristinn H. Gunnarsson, eini stjórnarliðinn sem greiddi atkvæði gegn fjölmiðlafrumvarpinu. Sagðist Kristinn eindregið á móti því að sett yrðu nokkur mörk. Fréttablaðið hafði samband við flesta ráðherra flokksins og þónokkra þingmenn eftir að skýrslan kom út. Vildi enginn þeirra segja neitt opinberlega um málið og var skýringin sú að formaðurinn væri ekki á landinu, flokkurinn hefði ekki rætt um þetta sín á milli og því gætu þeir ekkert sagt. Heimkomu formannsins er því beðið og mun afstaða framsóknarmanna ekki koma endanlega í ljós fyrr en hann hefur lagt flokksmönnum línurnar í málinu. Stjórnarandstaðan á móti skilyrðumÞingmenn stjórnarandstöðuflokkanna hafa lýst því yfir að þeir séu alfarið á móti nokkrum skilyrðum um þátttöku eða atkvæðavægi í þjóðaratkvæðagreiðslu. Því er ljóst að hart verður tekist á á Alþingi þegar það kemur saman á mánudaginn og rætt verður um frumvarp um þjóðaratkvæðagreiðslu sem nú er verið að semja í forsætisráðuneytinu. Forsætisráðherra gaf forsmekkinn af því sem í vændum er á svokölluðum samráðsfundi formanna þingflokkanna 8. júní þegar hann rak formenn stjórnarandstöðuflokkanna á dyr eftir fimmtán mínútna fund. Gerði hann það fyrirvaralaust eftir að formennirnir lýstu yfir einróma andstöðu við að setja nokkur takmörk um þátttöku eða atkvæðavægi í lög um þjóðaratkvæðagreiðslu. Davíð lýsti því yfir eftir fundinn að formennirnir hefðu hótað málþófi á Alþingi þegar ræða ætti lögin. Það mun koma í ljós í næstu viku hversu mikil og löng andstaðan verður. Enn á ný standa stjórnarflokkarnir frammi fyrir því að þurfa að ná lendingu í stórmáli sem flokkarnir eru í aðalatriðum ósammála um. Nú eru það lög um þjóðaratkvæðagreiðslu. Um leið og skýrsla starfshóps ríkisstjórnarinnar um þjóðaratkvæðagreiðslu var birt á þriðjudag tjáðu þingmenn stjórnarflokkanna sig um hugmyndir starfshópsins um að setja í lög skilyrði um að 25-44% atkvæðisbærra manna þyrftu að greiða atkvæði gegn lögum svo þau falli úr gildi.
Fréttir Innlent Stj.mál Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Ráðist að fólki við Breiðholtsskóla um hábjartan dag Innlent Vilja láta rannsaka aðild flóttateymis í máli Oscars Innlent Rafmagnsleysið „fordæmalaust“ en engar vísbendingar um tölvuárás Erlent Benedikt telur undanbrögð útvarpsstjóra grátleg Innlent Allt á áætlun en Spánarfarar beðnir um að fylgjast með Innlent Engin hópnauðgun um páskana á borði lögreglu Innlent Hvetur Kanadamenn að kjósa sig Erlent Fólk eigi ekki að breyta sínu daglega lífi vegna frásagna af hópnauðgun Innlent Fleiri fréttir Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Sjá meira