Missir af öðru tíma­bilinu í röð vegna meiðsla

Simmons hefur glímt töluvert við meiðsli á ferli sínum en hann missti af allri fyrstu leiktíðinni í NBA þar sem hann ökklabrotnaði haustið 2016 eftir að hafa verið valinn fyrstu í nýliðavalinu það sumarið af Philadelphia 76ers.

Hann var valinn nýliði ársins tímabilið eftir en hefur átt í meiðslavandræðum nánast allar götur síðan. Hann átti þrjú meiðslahrjáð tímabil hjá Brooklyn Nets árin 2022 til 2025 og skipti svo til LA Clippers þar sem hann byrjaði ekki einn leik og spilaði aðeins 22 leiki alls.

Clippers losuðu hann undan samningi fyrir rúmu ári síðan og hann var utan vallar alla síðustu leiktíð sökum meiðsla.

Sacramento Kings tóku séns á Simmons og gerðu við hann samning í byrjun september. Simmons sleit hins vegar hásin á æfingu á sunnudaginn var og mun ekki spila einn einasta leik í vetur, og missir því af öðru heila tímabilinu í röð.