Haltraði af æfingu nokkrum dögum fyrir fyrsta leik tíma­bilsins

Körfuboltaáhugamenn fagna því að NBA-deildin hefur göngu sína í vikunni en staðan virtist ekki vera góð fyrir Warriors þar sem ein stærsta stjarna þeirra fór af velli. Curry, sem er orðinn 38 ára, var mikið meiddur á síðasta tímabili og voru stuðningsmenn hræddir um að það sama myndi gerast aftur.

Steve Kerr, þjálfari Golden State Warriors, sagði þó að það væri í lagi með Curry og að hann hefði aðeins runnið og fundið aðeins til í ökklanum. Stuðningsmenn þurfa því ekki að vera hræddir um að hnémeiðslin hans frá því í fyrra séu að halda áfram að angra Curry.

Steph Curry framlengdi nýverið samningi sínum við Warriors núna í september og gildir hann næstu tvö árin. Þrátt fyrir það hefur Kerr tekið fram að hann og aðrir eldri leikmenn sem hafa verið í liðinu lengi munu ekki spila alla leiki fyrir Warriors. Hann ætlar að passa leikjaálagið hjá eldri leikmönnum til að geta haldið þeim heilum þegar liðið þarf á reynslunni þeirra að halda.