Ísraeli fékk rautt fyrir að breyta hornfána í vopn og skjóta úr því

Abu Farchi jafnaði fyrir Ísrael í 1-1 á 55. mínútu og í fagnaðarlátunum tók hann upp hornfánann, hélt á honum eins og um skotvopn væri að ræða og lék eftir því að hann væri að skjóta úr því. Fyrir vikið fékk hann rautt spjald.

Ísrael þurfti því að leika manni færri það sem eftir lifði leiks. Atvikið vakti mikla athygli enda afar óvenjuleg ástæða fyrir brottrekstri og sérstaklega þar sem mikið hefur verið ritað og rætt um þátttöku Ísraelsmanna í alþjóðaknattspyrnuheiminum á meðan ástandið á Gaza er eins og raun ber vitni. 

Heimir Hallgrímsson landsliðsþjálfari Íra hefur til að mynda tjáð sig harðlega um þeirra þátttöku.

Abu Farchi leikur með Maccabi Tel Aviv í heimalandinu. Leiknum lauk með 3-1 sigri Austurríkis.