Stjarnan rak þjálfarann í annað sinn í sumar

Þetta kemur fram í tilkynningu sem félagið sendi frá sér á samfélagsmiðlum.

 Jón Þór tók við starfinu hjá Stjörnunni af Jökli I. Elísabetarsyni fyrr á tímabilinu, þann 13. júní síðastliðinn. 

Síðasti leikur Jóns Þórs með Stjörnuna var í Úlfarsárdal á mánudagskvöld þegar liðið tapaði 3-1. Þar áður hafði liðið unnið tvo sigra í röð, gegn Keflavík og Val.

Stjarnan situr í 8. sæti deildarinnar með 21 stig úr 19 leikjum. liðið er fimm stigum frá fallsæti og fjórum stigum frá sæti í efri hlutanum, nú þegar þrjár umferðir eru eftir fram að skiptingu.

Stjarnan komst undir stjórn Jóns Þórs áfram í aðra umferð undankeppni Evrópudeildarinnar en féll þar úr leik gegn finnska liðinu Ilves í vítakeppni. 

Ekki kemur fram í tilkynningu fram Stjörnunnar hver tekur við starfinu. 

Brynjar Kristmundsson og Olgeir Sigurgeirsson, þjálfarar venslaliðsins KFG, hafa verið Jóni Þór til aðstoðar í sumar.