Fótbolti

Hjörtur og Kol­beinn máttu þola stórt tap gegn Degerfors

Stefán Árni Pálsson skrifar
Kolbeinn Þórðarson byrjaði á miðjunni hjá Göteborg í dag. 
Kolbeinn Þórðarson byrjaði á miðjunni hjá Göteborg í dag.  göteborgs-posten

Hjörtur Hermannsson og Kolbeinn Þórðarson voru báðir í byrjunarliði IFK Göteborg sem mátti þola 3-0 tap gegn Degerfors í sænsku úrvalsdeildinni í dag.

Leikurinn fór illa fyrir Göteborg frá upphafi og heimamenn voru komnir í 3-0 forystu eftir aðeins hálftíma leik.

Hjörtur Hermannsson lék allan leikinn í miðverði en Kolbeinn Þórðarson byrjaði einnig leikinn á miðjunni. Kolbeinn var tekinn af velli þegar rúmur klukkutími var liðinn.

Fyrir Göteborg var tapið sérstaklega svekkjandi eftir góða frammistöðu í síðustu leikjum. Liðið hafði unnið Kalmar 3-2 í síðasta deildarleik sínum og gert 1-1 jafntefli við Gent í Evrópudeildinni í vikunni.

Degerfors hafði hins vegar aðeins unnið einn af síðustu tíu deildarleikjum sínum fyrir leikinn en fékk nú kærkomin þrjú stig.

Göteborg situr áfram í 11. sæti Allsvenskan með 19 stig eftir 17 leiki, en Degerfors er í 14. sæti með 16 stig.

Sænski boltinn

Mest lesið


Fleiri fréttir

Sjá meira


×

Mest lesið