Önnur risa­stór breyting á þeim sem stýra Liverpool

Michael Edwards lætur nefnilega af störfum sem íþróttastjóri Liverpool. Edwards kom til félagsins á Merseyside árið 2011 og hefur síðan þá unnið sig upp metorðastigann.

Árið 2022 hætti Edwards sem íþróttastjóri, áður en hann sneri aftur í sama starf árið 2024. Nú er Edwards aftur hættur.

„Ég yfirgef félagið í þeirri trú að Liverpool sé í sterkri stöðu, með framúrskarandi fólk, skýra stefnu og traustan grunn fyrir áframhaldandi velgengni,“ sagði Edwards í yfirlýsingu samkvæmt Sky Sports.

Í nokkrum breskum fjölmiðlum er velt upp þeim möguleika að Edwards hafi verið óánægður með stjórn Fenway Sports Group (FSG). Óánægjan er sögð stafa af því að þeir hafi lagt áform um að kaupa nýtt félag á ís, samkvæmt The Guardian.

Loforð um fjölfélagalíkan eiga að hafa verið veigamikill þáttur í því að Edwards sneri aftur til Liverpool árið 2024.

Hinn 47 ára gamli lætur af störfum þegar eitt ár er eftir af samningi hans. Edwards er sagður hafa tilkynnt stjórn FSG um ákvörðun sína um að hætta haustið 2025.

Búist er við að Michael Gordon, forseti FSG, taki við stjórn knattspyrnumála eftir brotthvarf Edwards.