Hulda Clara vann í Tékk­landi

Mótið er haldið í Tékklandi og er leikið á Panorama Golf Resort vellinum. Hún lék þrjá hringi og spilaði þá alla á pari vallarins sem eru 72 högg. Hulda Clara var gríðarlega stöðug í spilamennsku sinni þar sem hún fékk aðeins þrjá skolla og þrjá fugla yfir alla þrjá hringina. Hinar holurnar fór hún á pari.

Fyrir sigurinn var Hulda Clara í 24. sæti mótaraðarinnar en eftir þetta mót má búast við að hún muni vera ofarlega á listanum. Þetta er fyrsta sumarið hennar Huldu sem atvinnukylfingur og byrjar það vægast sagt vel.

Ragnhildur Kristinsdóttir var fyrsti Íslendingurinn til að vinna á LET Acess mótaröðinni en hún og Hulda Clara voru jafnar í sjöunda sæti eftir fyrsta hring mótsins. Ragnhildur endaði mótið í 34. sæti en Andrea Bergsdóttir endaði í 21. sæti.

Kylfingurinn í öðru sæti mótsins var Natalie Armbruester frá Sviss en það var aðeins eitt högg sem skildi hana og Huldu að. Þetta var því sigur með minnsta mun og mikið afrek hjá Huldu.