Vill nota Liverpool-strákinn í annarri stöðu en hann er vanur

Koumas skoraði sitt fyrsta mark fyrir Wales og tryggði 1-1 jafntefli gegn Gana í vináttuleik á Cardiff City Stadium í gær.

Hinn tvítugi leikmaður Liverpool hefur spilað stóran hluta af sínum unga ferli sem vinstri kantmaður en Bellamy hefur nýlega notað hann sem framherja.

„[Hann er] nía vegna þess að við höfum í raun enga framherja að koma upp og við höfum marga kantmenn, frábæra kantmenn,“ sagði landsliðsþjálfarinn í samtali við breska ríkisútvarpið.

„Hann gæti klárlega orðið mikill fengur fyrir okkur á kantinum en vegna skorts á framherjum sem koma upp í gegnum kerfið höfum við notað hann mikið þannig á æfingum og hann hefur verið alveg magnaður,“ sagði Bellamy.

„Það er margt sem heillar við Koomy. Hann er svo ungur leikmaður og ég er í skýjunum með að hann hafi skorað markið sitt því hann átti það skilið,“ sagði Bellamy.