Wirtz snúi aftur gegn Wolves

Wirtz hefur verið frá í um tvær vikur vegna bakmeiðsla en hann meiddist í upphitun fyrir leik Liverpool við Nottingham Forest þann 22. febrúar síðastliðinn.

Hann missti af 2-1 tapi Liverpool fyrir Úlfunum á þriðjudagskvöldið var en Liverpool fékk á sig sigurmark í uppbótartíma fyrir gott sem föllnu botnliði.

Liðin eigast við öðru sinni á Molineux-vellinum í Wolverhampton annað kvöld þar sem sæti í 8-liða úrslitum bikarkeppninnar er undir. Arne Slot, þjálfari Liverpool, segir Wirtz vera snúinn aftur til æfinga og gera má ráð fyrir að hann taki þátt í leiknum á morgun.

Leikur Wolves og Liverpool er klukkan 20:00 annað kvöld og verður sýndur beint á Sýn Sport Viaplay.