„Mín mis­tök að hafa ekki komið Bjögga betur inn í mótið“

Björgvin átti ekki gott mót, fékk lítið að spila og varði ekki marga bolta þegar hann fékk tækifærið.

Hann átti þó sinn besta leik undir lok mótsins og hjálpaði íslenska liðinu að koma sér aftur inn í bronsleikinn, en áhlaup Íslands kom aðeins of seint og Króatía vann bronsið.

Björgvin hafði verið gagnrýndur harðlega fram að því og eftir EM skrifaði hann uppgjörspistil þar sem hann sagði gagnrýnina og viðbjóðinn í hans garð aldrei hafa verið meiri.

Þá sat sérstaklega í honum að börnin hans hefðu séð þessa hluti sem voru skrifaðir og sagðir.

Snorri Steinn tók upp hanskann fyrir Björgvin í viðtali við Val Pál Eiríksson.

„Það voru mín mistök að hafa ekki komið Bjögga fyrr og betur inn í mótið. Þá er ég sérstaklega að tala um riðlakeppnina, það situr aðeins í mér, að hann hafi ekki verið meira inn í mótinu þegar við komum í milliriðilinn. Það er á minni könnu“ sagði Snorri.

Snorri ræddi einnig sveiflukennda frammistöðu Viktors Gísla Hallgrímssonar, hins markmannsins í íslenska landsliðinu á EM, og sagði það geta útskýrst af ýmsum ástæðum.

Brotið úr viðtalinu má sjá hér fyrir neðan.