Juve hent út úr bikarnum í vel heppnaðri hefndartilraun

Juve vann bikarúrslitaleiki liðanna fyrir tveimur árum og árið 2021 en nú var komið að Atalanta-mönnum að ná fram hefndum. Þeirra bíður nú undanúrslitaleikur við annað hvort Bologna eða Lazio.

Gianluca Scamacca kom Atalanta yfir úr vítaspyrnu á 27. mínútu, eftir að boltinn fór í hönd Gleison Bremer.

Varamennirnir Kamaldeen Sulemana og Mario Pasalic innsigluðu svo sigurinn með tveimur mörkum, á 77. og 85. mínútu.

Inter er einnig komið í undanúrslit, eftir sigur gegn Torino í gærkvöld. Í næstu viku mætast svo Napoli og Como, og Bologna og Lazio.