Enski boltinn

Ekkja Jota þakklát: „Hefur meiri þýðingu en orð geta lýst“

Ingvi Þór Sæmundsson skrifar
Diogo Jota giftist Rute Cardoso ellefu dögum áður en hann lést.
Diogo Jota giftist Rute Cardoso ellefu dögum áður en hann lést. getty/Peter Byrne

Rute Cardoso, ekkja portúgalska fótboltamannsins Diogos Jota, er þakklát stuðningsmönnum Liverpool fyrir að standa þétt við bakið á fjölskyldu hennar.

Synir Cardosos og Jotas, Dinis og Duarte, leiddu lið Liverpool inn á völlinn fyrir leikinn gegn Wolves í ensku úrvalsdeildinni á laugardaginn. Jota spilaði fyrir bæði lið.

Eftir leikinn á Anfield þakkaði Cardoso fyrir veittan stuðning.

„Frá dýpstu hjartarótum þakka ég félaginu og öllum stuðningsmönnunum fyrir ást, virðingu og stuðning á þessum gríðarlega erfiðu tímum,“ skrifaði Cardoso á Instagram.

„Skilaboð ykkar og gjörðir hafa meiri þýðingu en orð geta lýst,“ bætti hún við.

Jota lést í bílslysi á Spáni í júlí ásamt bróður sínum, Andre Silva. Jota var 28 ára þegar hann lést en þau Cardoso voru nýgengin í hjónaband og áttu þrjú börn saman.

Liverpool vann leikinn gegn Wolves, 2-1. Þetta var þriðji sigur Rauða hersins í ensku úrvalsdeildinni í röð.

Jota kom til Liverpool frá Wolves 2020. Hann skoraði 65 mörk í 182 leikjum fyrir Bítlaborgarliðið. Portúgalinn lék 131 leik fyrir Úlfana og skoraði 44 mörk.

Enski boltinn Liverpool FC Wolverhampton Wanderers Andlát Diogo Jota

Tengdar fréttir

Liverpool-skotmarkið ekki á förum í janúar

Búist er við því að Marc Guehi, fyrirliði Crystal Palace, verði áfram hjá félaginu fram til næsta sumars, þegar samningur hans við félagið rennur út.

„Viss um að ég myndi skora einn daginn“

„Þetta var mjög góð tilfinning, á vellinum með stuðningsfólkið allt í kring. Ég var mjög ánægður og er það enn,“ sagði glaður Florian Wirtz eftir að hafa loksins skorað sitt fyrsta mark í ensku úrvalsdeildinni, fyrir Liverpool, í 2-1 sigrinum gegn Wolves í dag.

Fyrsta mark Wirtz í þriðja sigrinum í röð

Liverpool vann 2-1 sigur á lánlausu botnliði Wolves á Anfield í ensku úrvalsdeildinni. Diogo Jota var heiðraður sérstaklega af stuðningsmönnum sinna tveggja fyrrum félaga.

Úlfarnir heiðruðu minningu Jota

Leikmenn og starfsfólk Wolverhampton Wanderers fóru saman að minnisvarða Diogo Jota, fyrrum leikmanns liðsins, við Anfield í Liverpool í gær. Liðin eigast við í dag.

Synir Diogo Jota leiða leikmenn út á Anfield

Synir Diogo Jota heitins munu leiða leikmenn Liverpool og Wolverhampton Wanderers út á Anfield á morgun en þetta verður í fyrsta sinn sem fyrrum félög fráfallna leikmannsins mætast.

Mest lesið


Fleiri fréttir

Sjá meira


×

Mest lesið