Hreimur og Ólafur Darri perlu­vinir sem horfa á enska boltann saman

Báðir búa þeir í Norðlingaholtinu og eru nágrannar. Áhugi Darra á enska boltanum byrjaði þegar hann var í New York í þrjá mánuði í leiklistarverkefni. 

Fjölskyldan var hvergi nærri og honum þótti þá sniðugt að finna sér áhugamál. Enski boltinn varð fyrir valinu og mætir hann reglulega yfir til Hreims í dag og horfa þeir saman á boltann. 

Fannar Sveinsson leit við og mátti sjá aðstæðurnar sem þeir félagarnir eru með. Allt veggfóðrað í Liverpool-treyjum og fleira skrauti.