„Þess vegna unnum við“

„Ég er mjög sáttur með sigurinn og þetta var sterkur sigur. Vörn og markvarsla var frábær í dag, og það skilaði sér,“ sagði Stefán Arnarson, þjálfari Hauka, ánægður eftir sigur liðsins í dag.

Jóhanna Margrét Sigurðardóttir, leikmaður Hauka, átti stórleik í dag og skoraði átta mörk í fyrri hálfleik og í heildina tólf mörk.

„Frammistaða allra leikmanna var góð, ég horfi alltaf frá liðinu og pikka ekki leikmenn út. En Jóhanna Margrét Sigurðardóttir var góð í dag og allir leikmennirnir og þess vegna unnum við,“ sagði Stefán.