Hús­gögn úr af­göngum og fiskar í gos­brunninum

Á pöllunum hafa þau smíðað meðal annars húsgögn úr restum af klæðningu hússins og alveg einstakan gosbrunn með fiskum í. Vala Matt heimsótti Maríu Kristu í Íslandi í dag.

Hún og eiginmaðurinn gera flestöll verk upp á eigin spýtur og María Krista gengur sjálf í smíða- og málningarverkin. 

„Það er geggjað að geta gengið í öll verk og þurfa ekki að bíða eftir að eiginmaðurinn komi úr vinnunni til að fara í sögina. Þetta er þvílíkt frelsi.“

Þá hafa þau dundað sér við að smíða húsgögn á pallinn úr afgöngum úr klæðningu hússins. 

„Húsið er CLT-hús, þessar einingar sem komu á efri hæðina. Og það fylgdu með afgangar sem við erum búin að vera að geyma hérna úti og ætluðum að henda. En efnið er ekki létt meðferðar þannig að það var eiginlega fljótlegra að smíða eitthvað úr þessu,“ segir María Krista. 

Þáttinn í heild sinni má sjá hér að neðan.