Ein­stakur garður í Mos­fells­bænum

Gulli Byggir skellti sér í heimsókn til Eiríks Garðars Einarssonar sem hefur komið sér vel fyrir í einbýlishúsi við Súluhöfða í Mosfellsbæ. Hann réðist í heljarinnar framkvæmdir í garðinum og má með sanni segja að hann hafi látið taka það í gegn frá a-ö. Eiríkur á og rekur fyrirtækið Garðaþjónustan þín.

Þar er útieldhús, gufa, heitur og kaldur pottur, eldstæði og margt fleira.

Það var landslagsarkitektinn Björn Jóhannsson sem hannaði garðinn en hann gerði slíkt hið sama hjá Pétri Jóhanni Sigfússyni í síðustu seríu af Gulla Byggi.

Innslagið um garðinn í Mosfellsbænum rataði ekki í þættina Gulla Byggi og er því frumsýnt hér á Vísi og má horfa á það hér að neðan.