Fótbolti

Roma rekur De Rossi eftir að­eins fjóra leiki

Ingvi Þór Sæmundsson skrifar
Forráðamenn Roma sýndu Daniele De Rossi ekki mikla þolinmæði.
Forráðamenn Roma sýndu Daniele De Rossi ekki mikla þolinmæði. getty/Andrea Amato

Daniele De Rossi hefur verið rekinn sem knattspyrnustjóri Roma þrátt fyrir að liðið hafi aðeins leikið fjóra deildarleiki á tímabilinu.

Roma er enn án sigurs í ítölsku úrvalsdeildinni og er með þrjú stig í 16. sæti hennar.

Þrátt fyrir að tímabilið sé ungt ákváðu forráðamenn Roma að taka í gikkinn og segja De Rossi upp störfum.

De Rossi tók við Roma af José Mourinho um miðjan janúar og undir hans stjórn endaði liðið í 6. sæti ítölsku deildarinnar. De Rossi fékk svo nýjan samning í sumar en skjótt skipast veður í lofti og hann er nú atvinnulaus.

De Rossi lék með Roma nær allan sinn feril, alls 616 leiki. Hann varð tvisvar sinnum bikarmeistari með liðinu.

Ítalski boltinn

Mest lesið


Fleiri fréttir

Sjá meira


×

Mest lesið