Besta byrjun Íslandsmeistara í átta ár

Víkingur vann 2-0 sigur á Stjörnunni á heimavelli í fyrsta leik og svo 1-0 sigur á Fram í Úlfarsárdal í gærkvöldi þar meistaraheppnin var svo sannarlega með Víkingum.

Framarar skoruðu að því virtist löglegt mark en dómari leiksins dæmdi það af. Það var á elleftu mínútu en Erlingur Agnarsson skoraði síðan eina löglega markið á 64. mínútu.

Arnar Gunnlaugsson, þjálfari Víkinga, gefur fagnað stigunum en frammistaðan þarf þó að verða betri ætli liðið að verja titilinn.

Titilvörn liðs í úrvalsdeild karla hefur ekki byrjað betur í átta ár eða síðan að FH-ingar unnu tvo fyrstu leiki sína sumarið 2016.

Íslandsmeistarar síðustu tveggja ára á undan, Breiðablik á 2023 tímabilinu og Víkingur á 2022 tímabilinu, höfðu byrjað sumarið á bæði sigri og tapi í fyrstu tveimur leikjunum.

Það þarf síðan að fara eitt ár aftur til viðbótar til að finna ríkjandi Íslandsmeistara sem fengu ekki mark á sig eftir tvo leiki en Stjörnumenn héldu marki sínu hreinu í tveimur fyrstu leikjum sínum sumarið 2015.