Handbolti

Viggó sá um Melsun­gen

Runólfur Trausti Þórhallsson skrifar
Viggó Kristjánsson var öflugur eins og svo oft áður í dag.
Viggó Kristjánsson var öflugur eins og svo oft áður í dag. Vísir/Getty

Viggó Kristjánsson var frábær þegar Leipzig lagði Melsungen í þýsku úrvalsdeild karla í handbolta í dag. Elvar Örn Jónsson var magnaður í liði Melsungen en það dugði skammt í dag.

Leipzig vann góðan fimm marka sigur á Melsungen í sannkölluðum Íslendingaslag, lokatölur 32-27. Líkt og svo oft áður var Viggó allt í öllu í liði Leipzig en hann skoraði 7 mörk og gaf 2 stoðsendingar. Andri Már Rúnarsson komst ekki á blað hjá Leipzig í dag en faðir hans, Rúnar Sigtryggsson, er sem fyrr þjálfari liðsins.

Hjá Melsungen var Elvar Örn markahæstur með 9 mörk ásamt því að gefa eina stoðsendingu. Arnar Freyr Arnarsson komst hins vegar ekki á blað.

Leipzig er í 10. sæti með 19 stig á meðan Melsungen er í 5. sæti með 31 stig og harðari baráttu um Evrópusæti.

Handbolti Þýski handboltinn

Mest lesið


Fleiri fréttir

Sjá meira


×

Mest lesið