„Ég dó næstum því á Íslandi“

„Það er ekki gaman að vera á hestbaki,“ segir leikarinn í hlaðvarpi sínu Las Culturistas. Þar rifjaði hann það upp þegar hann var við tökur fyrir sjónvarpsþáttaröðina Awkwafina Nora From Queens. Í þættinum fer Edmund, sem Yang leikur, til Íslands ásamt aðalpersónu þáttanna til að finna ættingja sína.

Hér fyrir neðan má sjá brot úr þættinum sem um ræðir.

Yang segist dýrka teymið sem vann við gerð þáttana en að þau hafi ákveðið að nota dróna í upptökum á senum þar sem þau voru á hestum. „Auðvitað vissi hesturinn ekki hvað í andskotanum það [dróni] er og ég dó næstum því.“

Þá spyr Yang meðstjórnanda hlaðvarpsins, Matt Rogers, hvort hann hafi ekki verið búinn að segja honum frá þessu. „Ég dó næstum því á Íslandi.“

Dróninn hafi flogið of nálægt hestinum sem Yang var á með þeim afleiðingum að hann hræddist. „Ég datt næstum því af,“ segir hann. Hluti af honum hafi hugsað að þetta væri góð leið til að kveðja þennan heim.