Breyting á veiðisvæði Sandár

Hún er bæði mikil áskorun, ekki auðveidd en fyrir góða veiðimenn er þetta frábær á sem krefst góðrar tækni og það lykilatriði að lesa vatnið vel. Þarna veiðast oft rígvænir laxar á hverju sumri og það er helst síðsumarsveiðin sem veiðimenn hafa sótt í en aín hefur oft gefið best þegar vatnið hækkar í henni. Ef hún er vatnslítil vill laxinn hanga á neðstu svæðunum niður í ós en veiði hefur ekki verið heimil þar. Núna frá og með þessu sumri verður hins vegar breyting á.

Frá og með komandi tímabili mun veiði neðan brúar vera leyfileg, auk þess sem veiða má ós Sandár og Þjórsár. Að auki verður leyfilegt að veiða 200 metra upp og niður bakka Þjórsár, frá ármótum. Þetta er mikil bót fyrir veiðisvæðið því laxinn á það til að hanga niðri í ármótum fram á síðla sumars, eða þangað til að vatn eykst í Sandánni.