Eva Lauf­ey deilir upp­skriftum að hinni full­komnu Euro­vision veislu

„Eurovision hátíðin er að mínu mati hið fullkomna kvöld fyrir fjölskyldu og vini að sitja saman fyrir framan sjónvarpið og gæða sér á ljúffengum veitingum. Það gerist ekki betra,” segir Eva en hún starfar sem markaðs -og upplifunarstjóri Hagkaups.

„Ég er mjög hrifin af ídýfum og eðlum og ætla svo sannarleg að bjóða upp á klassíska eðlu með nachos flögum í kvöld. Svo rennur mér blóðið til skyldunnar að minnast á að fyrir þá sem vilja stytta sér leið framleiðum við hjá Hagkaup, sérstaklega fyrir þessa helgi, tilbúnar eðlur og cheddarostasósu sem þarf einungis að hita. Einfaldara verður það ekki og hlýtur öll mín bestu meðmæli.”

Uppskriftirnar sem Eva deilir hér lýsir hún sem miklum stemningsmat. „Þessa rétti geri ég aftur og aftur. Annars vegar nachos fjall með kjúklingi og rjómaostasósu og hins vegar klístraða vængi með gráðaostasósu. Hvoru tveggja brjálæðislega gott og mikill stemningsmatur. Uppskriftirnar birtust fyrst í bókinni minni Í eldhúsi Evu.

Nachos-fjall með kjúklingi og heitri rjómaostasósu

Stökkar nachos flögur með ljúffengri rjómaostasósu og allskyns gúmmilaði, fullkominn

réttur til þess að deila með öðrum. Eitt sinn smakkað, þið getið einfaldlega ekki hætt!

300 g foreldað kjúklingakjöt, má vera hvaða kjöt sem er á fuglinum

8 tortillavefjur eða einn stór poki af tortilla flögum ca. 300 g

3 – 4 msk olía sem hentar vel til steikingar

200 g rjómaostur

3 dl salsasósa

2 dl rifinn cheddar ostur

1 dl rifinn mozzarellaostur

8 kirsuberjatómatar

½ laukur

Handfylli kóríander

Safi úr hálfri límónu

2 vorlaukar

1 rautt chili

Aðferð:

1. Stillið ofninn á 180°C.

2. Skerið tortillavefjur í litla bita. Hitið olíu á pönnu, steikið tortillavefjurnar í örfáar

mínútur eða þar til vefjurnar eru orðnar stökkar og gullinbrúnar.

3. Kryddið með smá salti þegar þær eru nýsteiktar.

4. Setjið stökku tortillavefjurnar í eldfast mót, skerið kjúklinginn mjög smátt og

setjið yfir ásamt rifnum osti.

5. Bakið við 180°C í nokkrar mínútur eða þar til osturinn er bráðnaður.

6. Útbúið einfalt salsa með því að skera tómata, lauk og kóríander afar smátt.

Blandið saman í skál með góðri ólífuolíu og safa úr hálfri límónu.

7. Hitið rjómaost og salsasósu í skál þar til blandan er orðin silkimjúk og auðvelt

að hella henni yfir réttinn þegar hann kemur út úr ofninum.

8. Setjið heimatilbúna salsað einnig yfir réttinn ásamt smátt skornu chili og

vorlauk.

9. Saxið niður kóríander og dreifið yfir réttinn.

10. Berið strax fram og njótið!

Klístraðir vængir með gráðostasósu

Klístraðir kjúklingavængir sem maður fær hreinlega ekki nóg af – tilvalið að bjóða

vinunum í vængi yfir góðum íþróttaleik í sjónvarpinu!

Vængir með gráðostasósu

15 – 20 kjúklingavængir

3 msk hveiti

1 tsk salt

1 tsk pipar

1 tsk paprikukrydd

2 – 3 msk hot wing buffalo sósa að eiga vali

Aðferð:

1.Setjið kjúklingavængi, hveiti og krydd í plastpoka og hrisstið duglega eða þannig að

hveiti þekji kjúklingavængina mjög vel.

2.Setjið vængina á pappírsklædda ofnplötu og bakið í ofni við 180°C í 50 – 55 mínútur.

Snúið vængjunum nokkrum sinnum á meðan þeir eru í ofninum.

Eftir þann tíma setjið þá sósu yfir vængina og setjið aftur inn í 2 -3 mínútur, eða þar til

vængirnir eru stökkir og ljúffengir. Berið þá fram með gráðostasósu og sellerí.

Gráðostasósa

200 g sýrður rjómi

3 msk majónes

safi úr hálfri sítrónu

100 g gráðostur

salt og nýmalaður pipar

Aðferð:

1. Setjið allt í skál og maukið með töfrasprota eða setjið í matvinnsluvél. Maukið

þar til sósan verður silkimjúk, kryddið til með salti og pipar.