Vorveiðinni lokið í Laxá í Kjós

Lokatölur eftir þetta tímabil voru 323 sjóbirtingar á fjórar stangir í tuttug og fjögurra daga veiði sem er mjög flott veiði á ekki lengri tíma.  Þessu til viðbótar var verið að veiða staðbundna urriða í Bugðu og á góðum degi var verið að veiða 20-30 fiska þar á dag. Laxá í Kjós opnar svo 20. júní fyrir laxveiði en vel þekkt er að í ánni er stofn sem gengur í hana um síðustu vikuna í maí. Fyrstu laxarnir sjást yfirleitt á þessum tíma og að sögn þeirra sem þekkja ána vel þá fer þessi fiskur rakleiðis upp á efri part hennar.