Sökker fyrir strengjum og pylsum

Gígja Marín hóf klassískt píanónám sjö ára gömul hjá Margréti Stefánsdóttur sem er vinkona móður hennar. „Hún er óperusöngkona og mig langaði að vera þannig týpa,“ segir Gígja Marín. „Námið var skemmtilegt til að byrja með en svo fann ég að klassíski nám átti ekki við mig og ákvað að skipta yfir í tónsmíðina hjá Stefáni Þorleifssyni þar sem ég er enn þá í dag. Ég byrjaði í söngnámi hjá honum en núna er ég að semja lög á fullu. Stefán útsetur þau með mér, við hittumst í hverri viku og erum að leika okkar.“

Skúrinn hóf göngu sína á Vísi í síðustu viku en þar keppa sex flytjendur um bestu nýju útgáfuna af gamla góða SS pylsulaginu auk þess sem þeir flytja einnig frumsamið lag.

Hún segist klárlega þurfa að vinna meira í SS pylsulaginu sem hún sendi inn. „Ég er ekki alveg viss hvað ég geri en mig langar að bæta inn fiðlu, selló og fleiri röddum til að gera lagið eins fallegt og hægt er. Ég er svona sökker fyrir strengjum. Strengjum og pylsum.“

Frumsamda lagið sem Gígja Marín kynnir til sögunnar heitir I know. „Ég samdi þetta lag fyrir um þremur árum síðan Covid-bylgjan var í hámarki. Samt hef ég aldrei fundið rétta tímann til að gefa það út en núna er loksins komið að því. Textinn fjallar aðallega um ástina og alla erfiðleikana sem henni fylgir. Skilaboðin í textanum eru í rauninni þau að það er ekkert mikilvægara en það að vera sjálfstæður og að vita hvað maður vill þegar að kemur að ástinni.“

Tveir síðustu flytjendurnir vera kynntir á næstu dögum.