Thiago segir að leikmenn Liverpool séu enn að jafna sig eftir fernu-klúðrið í fyrra

Thiago ræddi stöðuna á Liverpool eftir markalausa jafnteflið á móti Chelsea í ensku úrvalsdeildinni um helgina.

Liverpool spilaði 63 leiki á síðustu leiktíð þar sem liðið var aðeins tveimur leikjum frá því að vinna fernuna fyrst félaga. Liverpool vann enska bikarinn og enska deildarbikarinn en endaði í öðru sæti í ensku úrvalsdeildinni og tapaði síðan á móti Real Madrid í úrslitaleik Meistaradeildarinnar.

Liverpool er núna í níunda sæti í deildinni tíu stigum á eftir Manchester United sem situr í fjórða og síðasta Meistaradeildarsætinu. Gengi Liverpool hefur ollið miklum vonbrigðum og menn eru ólíkir sjálfum sér inn á vellinum.

„Við erum í góðri stöðu í Meistaradeildinni og í enska bikarnum. Við erum ekki í þeirri stöðu sem við viljum vera í ensku deildinni en við eigum samt enn möguleika á að bæta úr því,“ sagði Thiago.

„Núna er staðan bara þannig að við verðum að taka leik fyrir leik. Við verðum að reyna að ná í þrjú stig og hækka okkur í töflunni eins mikið og við getum. Markmiðið okkar er næsti leikur,“ sagði Thiago.

„Núna snýst þetta ekki um að komast í topp fjögur eða vera í Evrópudeildinni. Við verðum bara að hugsa um næsta leik. Við verðum að standa saman sem eitt lið. Ekki bara á góðu stundunum heldur á þeim slæmu líka,“ sagði Thiago.

„Það er enginn vafi að síðasta tímabil hafði áhrif á okkur. Ekki aðeins líkamlega heldur einnig andlega líka. Við vorum svo nálægt því að vinna allt saman. Við komust í tæri við það en misstum það síðan frá okkur,“ sagði Thiago.

„Síðasta tímabil bar eitt það besta hjá mér á ævinni. Þetta tímabil er ekki eitt af þeim bestu en það skiptir ekki máli. Þetta er tímabil og það er alltaf áskorun,“ sagði Thiago.

„Ég tek að við höfum frábær gæði og frábæra gæja til að vinna okkur út úr þessu og við munum gera það,“ sagði Thiago.