Félagaúthlutun að hefjast hjá SVFR

Félagaúthlutun hefst í næstu viku og af þeim sökum sitja veiðimenn og veiðikonur yfir úrvali veiðileyfa hjá SVFR og sækja um þá daga sem óskað er eftir en almennt ríkir mikil spenna fyrir henni að vanda. Aðeins félagsmenn sem greitt hafa félagsgjöldin hafa aðgang að úthlutun þannig að það er um að gera fyrir þá sem eiga eftir að greiða félagsgjöldin að ganga frá þeim. Einnig bendum við á að ef þú ert kominn með nýtt netfang að senda tölvupóst á svfr@svfr.is þannig að skrifstofa félagsins geti uppfært það í sínum kerfum.

Meðal veiðisvæða hjá félaginu má nefna Langá á Mýrum, Flekkudalsá, Gljúfurá, Gufudalsá, Haukadalsá, Korpa, Laugardalsá, Laxá í Laxárdal, Laxá í Mý, Leirvogsá, Miðá í Dölum, Sandá í Þistilfirði, Varmá og auðvitað Elliðaárnar en dregið er úr umsóknum úr þeim seinna og tengist sú úthlutun eða sá dráttur ekki öðrum umsóknum í veiðisvæði félagsins. Félagaúthlutun hefst 14. desember.