Jones kominn í Dýrlingatölu

Hinn 49 ára Jones kemur til Southampton frá Luton Town þar sem hann gerði frábæra hluti. Hann tekur við Southampton af Ralph Hassenhüttl sem var rekinn eftir 1-4 tap fyrir Newcastle United á sunnudaginn.

Jones stýrir Southampton í fyrsta skipti þegar liðið sækir Liverpool heim á laugardaginn. Eftir það verður gert hlé á ensku úrvalsdeildinni vegna heimsmeistaramótsins í Katar.

Jones stýrði Luton fyrst á árunum 2016-19 en hætti til að taka við Stoke City. Þar gekk ekkert og Walesverjinn var rekinn eftir tæpt ár í starfi. Hann tók þá aftur við Luton og var nálægt því að koma liðinu upp í ensku úrvalsdeildina á síðasta tímabili.

Southampton er í 18. sæti ensku úrvalsdeildarinnar með tólf stig eftir fjórtán leiki.