Ekki Tina Turner heldur „head-turner“

James Einar Becker er stjórnandi þáttanna, Tork gaurinn sjálfur. Hann segir Audi A7 S-line quattro-bílinn vera svokallaðan „head-turner“ þar sem fólk lítur alltaf aftur fyrir sig þegar bíllinn keyrir framhjá. James Einar segir bílinn ekki bara vera fallegan að utan heldur er hann einnig ansi stílhreinn að innan. 

Hægt er að sjá þáttinn í spilaranum hér fyrir neðan.

Bíllinn er hybrid og kemst fjörutíu kílómetra á rafmagni. Vélin sjálf, sem James kallar hesthúsið, er 367 hestöfl og með fjóra sílendera. Bíllinn kostar fjórtán milljónir króna og er afar rúmgóður. 

„Ég er ekki alltaf hrifinn af svörtum álfelgum nema í þessari útfærslu. Með þessum dökkbláa lit á bílnum virka þær svo vel,“ segir James. 

Hann er ekki hrifinn af öllu í bílnum, þá er hann sérstaklega á móti „lane assist“ stillingu bílsins. Ef ökumaður fer of nálægt línunni á veginum grípur bíllinn inn í og færir sig á réttan stað á veginum. James þarf þó ekki að hafa of miklar áhyggjur af því þar sem hann getur einfaldlega slökkt á stillingunni.