Golf

Fyrsti meistari LIV mótaraðarinnar vann sér inn 2,6 milljarða króna

Óskar Ófeigur Jónsson skrifar
 Dustin Johnson fær vel borgað fyrir sigur sinn á LIV mótaröðinni í golfi.
 Dustin Johnson fær vel borgað fyrir sigur sinn á LIV mótaröðinni í golfi. Getty/Jonathan Ferrey

Dustin Johnson er fyrsti meistari LIV mótaraðarinnar í golfi og það er óhætt að segja að það hafi borgað sig fyrir hann að „svíkja lit“ og semja við Sádana.

Hinn 38 ára gamli Bandaríkjamaður tryggði sér sigur á LIV með því að vinna Golf Invitational mótið í Boston í september en hann var á topp tíu á fimm af sex mótum.

Johnson endaði í sextánda sæti í næstsíðasta mótinu í Bangkok um helgina en var samt með 42 stiga forskot á endanum og sigurinn því í höfn. Lokamótið fer fram í Jeddah frá 14. til 16. október.

Johnson hafði unnið sér samtals inn 75 milljónir dollara á öllum ferli sínum á PGA-mótaröðinni en fékk 18 milljónir dollara fyrir sigur sinn á LIV.

„Það er stórt fyrir mig að tryggja sér sigur í einstaklingskeppninni. Það er heiður að verða fyrsti meistarinn á LIV mótaröðinni,“ sagði Dustin Johnson.

Sá sem endar í öðru sæti fær átta milljónir dollara en þriðja sætið gefur fjórar milljónir dollara.

LIV mótaröðin fór af stað í óþökk bandarísku meistararaðarinnar, PGA, og þeir sem keppa í LIV eiga ekki afturkvæmt inn á móti PGA.

Golf LIV-mótaröðin

Mest lesið


Fleiri fréttir

Sjá meira


×

Mest lesið