Tesla Semi kominn í framleiðslu og Pepsi efst á lista

Semi er orð sem notað er fyrir bíla í þessum flokki í Bandaríkjunum en virðist einnig vera tegundarheiti bílsins. Tesla Semi, er fyrsti nýja undirtegundin í vöruframboði Tesla í þónokkurn tíma og verður það væntanlega um þónokkurn tíma. Það virðist enn langt í að afhendingar á Cybertruck hefjist.

Upphaflega átti Semi að koma á markað árið 2019 en ýmislegt kom í veg fyrir það. Einna helst var það breytt áhersla fyrirtækisins og þá sérstaklega meiri fókus á fólksbíla sem tafði Semi. Síðan seint á árinu 2019 hefur Semi verið frestað árlega. Nú virðist Pepsi eiga von á bílum 1. desember. Auk Pepsi eru Walmart og Anheuser-Bush að bíða eftir Semi.

Í janúar sagði Musk að Tesla myndi ekki kynna neina nýja bíla í ár vegna skorts á íhlutum. Hann breytti snarlega um stefnu þegar Bandaríkjaþing hafði samþykkt aðgerðarpakka gegn verðbólgu sem gerði kaupendum á Semi kleift að fá allt að 40.000 dollara skattaívilnun, sem samsvarar um 5,7 milljónum króna. Hann tísti 10. ágúst að Tesla myndi byrja að afhenda Semi með um 800 km drægni á árinu.