Nýliðarnir búnir að versla meira en heilt byrjunarlið

Í dag gekk belgíski miðjumaðurinn Orel Mangala til liðs við félagið en hann kemur frá þýska liðinu Stuttgart.

Mangala er 24 ára gamall og hefur leikið tvo A-landsleiki fyrir Belgíu.

Hann er tólfti leikmaðurinn sem gengur til liðs við Forest í sumar en áður hafði liðið sótt Dean Henderson og Jesse Lingard frá Man Utd auk þess að fá Wayne Hennessey, Brandon Aguilera, Harry Toffolo, Lewis O´Brien, Omar Richards, Giulian Biancone, Moussa Niakhate, Neco Williams og Taiwo Awoniyi.

Nottingham Forest hefur leik í ensku úrvalsdeildinni næstkomandi laugardag þegar liðið heimsækir Newcastle.